قصيده

الضيق له بين الحنايا مداهيل
بين الضلوع العوج نوخ ركابه
ماغير أحط بسود الأيام واشيل
والاالفرح سافر وطول غيابه
أمثل الضحكه على الناس تمثيل
والا عذاب القلب ماحد درابه
واصد عن ربع تحب التعاليل
من خوف شي ماحسبنا حسابه
الوضع مايحتاج شرح وتفاصيل
والقلب مايستاهل اللي سطابه
يوم الردا ماله علينا مداخيل
الطيب يذكر صاحبه في غيابه
الطيب غايات الرجال المشاكيل
اللي لهم بالطيب قدر ومهابه
بسوق طيبي لوتشح المحاصيل
من طاب يلقى عند ربه ثوابه
بصبر على ذا الحال لو يطفح الكيل
كود الفرج في يوم ينفك بابه
رجواي بالله في الليالي المقابيل
مير البلا ،،،كان الليالي تشابه

يعطيك الف عافيه
صرااااحه كلماتها مررررره روعه
واكثر شي
رجواي بالله في الليالي المقابيل
مير البلا ،،،كان الليالي تشابه